Ein diakon er leder av kyrkjas omsorgsarbeid. Foreløpig jobbar eg berre 50% og har ansvar for babysang og konfirmantundervisning. Arbeidet med konfirmantar har eg fått glede av å dele med Gunnhild, Ottar og Benjamin. Saman har vi testa eit nytt opplegg for konfirmantundervisning. I dette kullet med konfirmantar er det totalt fire klasser. To klasser som er slått saman av gangen, slik at det blir ei blanding av konfirmantar frå alle øyene saman. Vi har ein oppleving av at dette har vore både vellykka og kjekt, både for oss og konfirmantane.

Eg er oppvaksen på Valderøya saman med foreldra mine og to yngre søstre. Eg er gift med Jørgen Roaldsnes og har ein liten gut på 1 år som heiter Noah. Eg budde 3 år i Volda medan eg studerte på Høgskulen i Volda. Eg vart utdanna barnevernspedagog våren 2022. Vi flytta tilbake til Valderøya hausten 2022 og kjøpte oss eit hus på Valderøya. 

På fritida likar eg å lage mat, gå turar og å vere med familie og vennar. Kanskje sjå ein god film på kvelden eller spele eit brettspel.